شيرين عبد الوهاب في ظهورها الاعلامي الأول: " ده حب حياتي"
- شيرين عبد الوهاب في ظهور الاعلامي الأول
أطلت الفنانة شيرين عبد الوهاب مجددا في ظهور اعلامي يعد الاول لها بعد ازمتها ومرضها، وفي مكالمة هاتفية مع عمرو أديب، طمأنت متابعينها على حالتها الصحية بعد خروجها من المشفى.
بدأت مكالمتها قائلة: "انا الحقيقة لازم ابقى لطيفة في المكالمة النهاردة، انا زى البومب في حد بيحبه ناس كتير كده وشعوب تقوم وتقعد وفاكرني، أنا سعيدة بيكم وبتدفى بيكم".
وأضافت في مداخلتها: "انا كويسة لسه بخضع لعلاجي النفسي اللي بخضعله من ساعة ما خلفت مريم وهنا، انا باين على صوتي اني مش محتاجة حاجة".
اقرأ أيضاً إطلالة دومنيك حوراني الأخيرة تثير الجدل بين متابعيها
وتوجهت بالشكر للناس قائلة: "انا ممتنة جدا للناس عاوزة اقولهم انتم تعبتوا فيا وانا عمري ما هخذلكم ابدا، بشكر اللي قال كلمة حلوة واللي قال كلمة وحشة لانه ممكن يكون مضايق علشاني، قضيت ايام صعبة علشان اتاخدت على خوانة، انا لما صحيت تاني يوم في المستشفى قولت لنفسي انا قاعدة في مكان امين وباكل أحسن اكل وبنام أحسن نومة، وقولت ليه مستغلش ده في اني ابقى افضل، والناس كانوا مدلعني وبقيت احسن".
وكشفت شيرين عبدالوهاب في المداخلة الهاتفية أنها سامحت شقيقها وأوضحت "هتنازل عن أى قضية ضد اخويا، علشان انا بسامح كل الناس وبخف كده، انا مش هرضى أن امي ترضى تنام معيطة على مخدتها بسبب أن ابنها وبنتها على خلاف".
ثم توجهت بعدها للجمهور لافتة أنها تحمل لهم خبراً سعيداً لهم، كاشفة أنها كتبت كتابها على حسام حبيب وعادت له مجدداً، وأضافت: "كتبنا الكتاب الساعة ٩ بليل بحضور المقربين".
