كشفت الفنانة غادة عبدالرازق عن ندمها لدخول الوسط الفني، قائلة: "أنا ندمت على دخول الوسط الفني بسبب تراكمات من حاجات كتير أوي، والتراكمات دي بتوصلك لمرحلة أنك تقول الطريق ده دمرني أوي وأخد مني أوي ومن حياتي وجه عليا".

اقرأ أيضاً : حلمي بكر ينفي طلاق شيرين عبد الوهاب من حسام حبيب

وأضافت: "كان حلمي أدخل السلك القضائي، وياريتني كنت كملت زي بابا هو اتخرج من كلية الحقوق ودخل مجلس الدولة وكان قبل ما يموت بشهر كان هيبقى وزير الاستثمار"

وتابعت: "أنا مش عارفة ليه مروحتش للسكة بتاعت بابا دي، وروحت في سكة تانية خالص، وباجي في وقت من الأوقات وبقول ياريتني".

وأكدت الفنانة خلال لقاء مع برنامج "The Insiderبالعربي" المذاع عبر فضائية "دبي"، "فكرت كتير طبعا في الاعتزال. وفاكرة مرة كنت من 13 سنة قولت هعتزل وهتحجب وبعدين قولت ما هو الاعتزال مش لازم أتحجب. ولازم أبقى ست مقتنعة باللي أنا بعمله. لأن ده ملوش دعوة ولا باعتزال. ولا بفن ولا بأي حاجة دي قناعة شخصية. ومحدش يتدخل فيها أصلا. وموضوع خارج المناقشة. ومحدش يتناقش فيه".

وأشارت الفنانة إلى أنها تراجعت عن فكرة الاعتزال والحجاب: "رجعت تاني حسيت إن أنا مش صح وبلاش تتسرعي. لأني بتسرع في الكلام والتصرفات. ومتسرعش في حاجة زي دي".