نشر والد الفنانة المصرية ياسمين صبري رداً على تصريحاتها، حيث أرفق أشرف صبري صورا لها معه من خطوبتها الأول وذلك ردا على أقوالها بأنها لم تراه منذ كانت في الثانية من عمرها.

وعلق والد الفنانة ياسمين صبري على الصور التي نشرها عبر حسابه على موقع الفيسبوك، كاتبا: "بعد ماسمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟ أصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا، وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها".

اقرأ أيضاً : إصابة الممثل جايسون موموا بكورونا

وتابع: "الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟ أنا عملت لها حياة كريمة راقية ومحترمة وماكنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا".

وأضاف: "واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده، وحسبي الله ونعم الوكيل".

وكانت ياسمين صبري صرحت عن علاقتها بوالدها بعدما هاجمها والدها بتصريحاته، بسبب عدم حضورها حفل زفاف شقيقها بلال واتهمها بالجحود وأن المال غيرهم للأسوأ، قائلة: "مفيش علاقة بيني وبين والدي لكن الانفصال مش سبب لأن الناس بتاخد اختيارات في حياتها، وفي ناس بتختار تتحمل مسئولية وتكمل للآخر وناس تانية بتختار نفسها".

من ناحية أخرى كشفت ياسمين صبري عن مسلسلها الجديد الذي تعود به إلى جمهورها بعد غيابها عن المشاركة في رمضان 2021 ويحمل اسم "حلم ليال".