كما لفت إنتباه المُتابعين قُدرة الطفل مُنذر على تقليد محمد رمضان من خلال الحركات وطريقة الغناء.

وتبين أنه ظهر في كليب أغنية "مصباح علاء الدين" للفنان محمد رمضان، مما أثار جدلاً واسعاً بسبب الشبه وطريقة الكلام والتصرُف، حيث حقق الفيديو كليب أكثر من مليون مُشاهدة في أقل من 24 ساعة مُنذ طرحه.

اقرأ أيضاً : أحمد الفيشاوي يطرح كليب «نمبر 2» ويسخر من محمد رمضان

ولمعرفة الطفل بشكل أكبر، فهو الطفل مُنذر محمد مهران، يبلغ من العُمر ست سنوات، وهذا تعاونه الثاني مع المُخرج محمد سلامة بعد مُشاركته في مُسلسل "الحرامي"، كما أنه سبق وشارك بمشاهد معدودة، في مسلسلات "ليالينا" و"البرنس" للفنان محمد رمضان، و يُشارك بمشهدين في فيلم "النمس والإنس" للفنان محمد هنيدي، والمُقرر طرحه في السينمات خلال الفترة المُقبلة.

وكشف والد الطفل شبيه "رمضان" يكشف كواليس مشاركته في المُسلسلات والكليب،"منذر بيحب محمد رمضان من وهو عنده 3 سنين ويقلد كل حركاته تقريبا من زمان، عشان كده ملقاش صعوبة خالص في تقليده خلال تصويره للكليب، وأبهر المخرج محمد سلامة بأدائه، واتفاجئوا خلال التصوير إنه بيأدي الحركات بمنتهى السهولة أكتر ما توقعوا، متعبه ومش خالص".

و أثناء تصوير الكليب، ربطت علاقة صداقة قوية بين الفنان محمد رمضان والطفل منذر، إذ يقول والده «دي تاني مرة منذر يشوف فيها محمد رمضان، لأنه كان طلع في مشهد قبل كده معاه في مسلسل البرنس، بس المرة دي اختلفت لأنهم قعدوا مع بعض فترة أطول واتقابلوا كتير، ومحمد رمضان كان مبسوط بيه أوي، وقاله أنت معجزة، أنت شبهي أكتر من علي ابني، لأنه بيقلد كل حركاته».

واختتم والد الطفل: "لما كان منذر بيطلع الأول في مشاهد بسيطة كان بيرجع البيت متضايق جدا، ويقولنا أنا عايز أمثل وأتكلم، هو عنده موهبة كبيرة جدا وبيعرف يقلد أي حد، وبيتكلم صعيدي وخليجي كويس جدا، وأنا ووالدته دايما بنشجعه على التمثيل والمذاكرة في نفس الوقت، وبنستغل حبه للتمثيل بتشجيعه على المذاكرة، دايما نقوله لو ذاكرت هتمثل"

لمتابعة الفيديو انقر هنا.