• كارمن لبس:"اشتقتلك.. وعرفت إنك اشتقتلي بس ما قلتلي..قالولي بقيت تسأل عني"
• كارمن لبس:"كنت إهرب من سيرتك بس لإني بخاف حسّ إنها أحلى سيرة"

شاركت الفنانة اللبنانية كارمن لبس فيديو بأسلوب الكليب، وجّهت خلاله كلمات مؤثرة إلى الفنان الراحل زياد الرحباني، مستعرضةً صوراً نادرة تجمعهما ورسائل بخط اليد تبادلاها، في إشارة إلى العلاقة العاطفية التي استمرت بينهما لمدة 15 عاماً.

اقرأ أيضاً : "زواج غير موثق".. فنانة لبنانية تكشف تفاصيل علاقتها بالموسيقار الراحل زياد الرحباني

وأطلّت لبس أمام عدسة عبادة شعراني قائلةً: "بتعرف بس تعيش وهم إنك طويت صفحة حبّك الأول وفجأة تكتشف إنو الصفحة بعدا مفتوحة مع جروحاتا؟ صرلي سنين عم قول اتخطّيت، بس بنفس الوقت عم إسأل 'ليه'؟ آخر 'ليه' كانت ليه ما بدك تشوفني؟ عرفت بعدين وبعد فوات الأوان إنو ما بدك

تشوفك هيك، يمكن ما كان بدك تشوفني وأنا عم شوفك هيك."

وتابعت: "اشتقتلك، وعرفت إنك اشتقتلي بس ما قلتلي، قالولي بقيت تسأل عني، بس يا ريت سمعتا منك. قلتلك بغيابك فضي البلد، بس شي إنت رحت، حسّيت أنا فضيت، حسّيت كل شي بقي معلّق."

ذكريات لا تمحى

واختتمت كارمن كلامها لزياد الرحباني قائلةً: "أسئلة ما حدا جاوب عليها، وذكريات ما حدا قادر يمسحها، كنت إهرب من سيرتك مش لأن ما بدي ياها، بس لإني بخاف حسّ إنها أحلى سيرة. كل شارع، كل زاوية، كل مطرح، بذكّرني فيك، حبّيتك، وبعدني، وبعدا كل الجمل عم تنتهي فيك."

الفيديو أعاد إلى الواجهة علاقة كارمن لبس بزياد الرحباني وذكريات الحب العميقة التي جمعت بينهما، مؤكدًا على أثره الكبير في حياتها الشخصية والفنية.