• ريم مصطفى:"إشاعة زواجي من اللاعب محمد صلاح فرّحتني"
• ريم مصطفى:"أنا مش عاوزة أدخل تجربة فاشلة"

ردت الفنانة المصرية ريم مصطفى على شائعة زواجها من لاعب كرة القدم المصري العالمي محمد صلاح قائلةً: "إشاعة زواجي من اللاعب محمد صلاح فرّحتني وأنا عمري ما شُفته في الحقيقة".

اقرأ أيضاً : ريم مصطفى "وجبة دسمة" للمتنمرين ومواقع التواصل تضج بها- فيديو

وعبرت ريم مصطفى في تصريحات تلفزيونية عبر أحد البرامج عن انزعاجها من شائعة "إنها سبب طلاق أصالة وطارق العريان"، لكونها تربطها علاقة قوية بابنتها شام إلى جانب حبها للفنانة السورية.

وأضافت الفنانة المصرية : "حياتي الشخصية مقفلاها عليّ، وده لما الإنسان بيكون عنده نضج ووعي بخبرات حياتية كتيرة".

وعن صفات الشخص الذي تتمنى الارتباط به تابعت:"أبحث عن الشخص الحلو وكل ده بس لازم يكون صديق قبل ما يكون زوج ويكون عنده نضج فكري، والحاجات دي دلوقتي مش سهل حد يلاقيها، وارتبطت بأشخاص كتيرة توكسيك أعمل لها كتاب، وده

بعيد عن أبو أولادي... أنا مش عاوزة أدخل تجربة فاشلة لأن نفسياً مش عايزة أكمّل في علاقة مش هتضيف ليا سعادة".

وبخصوص فيلمها التسجيلي "نقطة تلاقي"، أوضحت ريم مصطفى: "فهمت من الفيلم تاريخ بلدي كله وقد إيه بلادنا كبيرة، وجبل موسى لما وقفت عليه حسّيت بطاقة كبيرة لأن ده المكان اللي كلّم فيه ربّنا سيدنا موسى وكان في طاقة حلوة هناك وأنا فخورة

بالعمل ده".

وعن انتقادات الجمهور لمشهدها الشهير التي قالت فيه "أنت اللي قتلت ابني يا مجدي" في مسلسل "سيد الناس"، الذي عُرض في موسم دراما رمضان الماضي، كشفت ريم أنها تفاجأت برد فعل الجمهور على المشهد، قائلةً: "الموضوع مر بمراحل معايا في

البداية خضتني ولما شوفته قولت إيه القرف ده؟ وأنا كان عندي ظرف يومها ومتخيّلتش إني أطلع بالمنظر ده".

وتابعت: "ابتديت أقول لنفسي هاكتئب ولا أزعل وكنت كل يوم بصحى أقولهم أنا لسه تريند يقولولي آه... فأروح أنام تاني".