• لميس الحديدي:"المسلسلات الشعبية العشوائية اجتاحت الموسم الرمضاني هذا العام"
• لميس الحديدي:" هو ليه كلها ردح وزعيق ولوى بوز وألفاظ عجيبة"

هاجمت الإعلامية المصرية لميس الحديدي ما أسمته بـ"الدراما الشعبية" في مسلسلات رمضان، نتيجة الألفاظ الخارجة التي انتشرت فيها، مستذكرة مسلسلات في العهد القديم.

اقرأ أيضاً : رسالة مؤثرة من لميس الحديدي إلى شيرين عبد الوهاب

وعبرت لميس الحديدي عن استيائها حيال المشاهد التي تظهر فيها ما وصفته بـ"الألفاظ العجيبة"، وكتبت صفحتها الرسمية على "فيسبوك": "المسلسلات الشعبية (العشوائية) اجتاحت الموسم الرمضاني هذا العام، وربما تكون من الأكثر نجاحًا والأكثر مشاهدة،

الممثلين هايلين ونجوم ومشاهد العنف متقنة وكل حاجة، أنا بس عندى سؤال، هو ليه كلها ردح وزعيق ولوى بوز وألفاظ عجيبة، وليه بيخلوا الممثلين يتكلموا كده؟ التضجين، المط في الكلام، دي العامية المصرية أحلى لهجة، ليه بنحولها لعشوائية ونمحو ملامحها".

وقارنت بين مسلسلات كانت تعرض في الماضي وبين الحاضر، وقالت: "فيه فرق بين فن الواقع اللي كان يترأس مدرسته الأستاذ المخرج صلاح أبو سيف، وبين اللي احنا بنشوفه، أكيد فيه طبعًا فئات بتتكلم كده نتيجة انهيار التعليم واجتياح اقتصاد التوك توك اللي عاث

في حاراتنا وعقولنا فسادًا، لكن إحنا ليه بنرسخ الأسوأ؟ بنعلم الأجيال اللى بتتفرج على المسلسلات دى إيه؟ واللي بيحبوا الفنانين دول إيه؟ يتكلموا بنفس الطريقة؟ الممثل الأشطر اللى بيطجن، والممثلة الأفضل هي اللي بتلوي بوزها و"تتشدق بـ"اللبانة"!".

وزادت الإعلامية المصرية: "طبعًا ده مش معناه إن النموذج الصح هو "فن الكومباوندات" لأن ده برضه، لا يمثل المجتمع، لكن فيه ناس عادية عايشين فى مصر -وهم الأكثر- الفن تأثير، حذار من التأثير في الاتجاه الخاطئ، نجاح مسلسل لن يعوض الثمن اللي

بندفعه لسنوات طويلة".