• سارة سلامة تتعرض لانتقادات بسبب عمليات التجميل
• وفاء عامر:"الهجوم غير مبرر"

دافعت الفنانة المصرية وفاء عامر عن زميلتها الفنانة سارة سلامة بعد تعرض الأخيرة للانتقادات عقب مشاركتها الأخيرة في مسلسل "نقطة سوداء"، بسبب تغير ملامحها بعد إجرائها عمليات تجميل، ما تغير أداءها التمثيلي سلبًا.

اقرأ أيضاً : دينا:"أجريت عملية تجميل واحدة لأنفي"

وقالت وفاء: "الفيلر والبوتوكس والتجميل عمومًا مش بيأثروا على أداء الممثلة، وبعض الفنانات بيروحوا لدكتور التجميل ويشيلوا الجراحات عشان هيقدموا شخصية مش بيتناسب معاها الفيلر والبوتوكس".

وأضافت أن هناك أدوارا تتطلب إجراء عمليات تجميل، وتابعت:"والعكس في فنانات بيروحوا عشان يزودوا التجميل لأن الشخصية اللي هيقدموها بتتطلب كده، والناس اللي انتقدت اختلط عليهم الأمر عشان معندهمش دراية كاملة بأمور التجميل، وفي وقتنا ده مفيش

ست في مصر مبتروحش لدكتور تجميل، والهجوم اللي اتعرضت له سارة غير مبرر ومبالغ فيه".

حقيقة خلاف وفاء عامر و سلوى عثمان

وعن حقيقة خلافها مع الفنانة سلوى عثمان، بعد مشاركة الأخيرة في مسلسل "سيد الناس" المقرر عرضه في رمضان 2025، بدلًا منها، بعد اعتذارها عن عدم المشاركة فيه، ردت وفاء عامر: "سلوى أختي وهتفضل أختي وده كلام فاضي ومفيش أي حاجة، أنا

اعتذرت عن الدور عشان رجلي اتكسرت ومكنتش هقدر أشتغل وكان لازم حد يعمل الدور بدالي، عشان كانوا هيتعطلوا لو استنوني ومحمد سامي مخرج كبير، وإن شاء الله نشتغل مع بعض في عمل تاني، وبقول لها ألف مبروك".

ويشارك في بطولة مسلسل "نقطة سوداء" نخبة من الفنانين أبرزهم أحمد فهمي، أحمد مجدي، أحمد بدير، سماح أنور، وفاء عامر، نضال الشافعي، ناهد السباعي، سارة سلامة، هدى الإتربي، تأليف ورشة كتابة تحت إشراف المؤلف أمين جمال، وإخراج محمد أسامة.