• أصالة نصري:""صار اليوم عمر جيجي سنة".
• أصالة نصري:"كل سنة وحبيبتي وكلّ أطفال العالم بخير"

احتفلت الفنانة السورية أصالة نصري بعيد ميلاد حفيدتها "جيهان" الأول، عبر مقطع "فيديو" نشرته على حسابها على "انستغرام" ، موجهة رسالة مؤثرة لها.

اقرأ أيضاً : ابنة أصالة نصري:"هذا ما فعله نظام الأسد بنا"

وتظهر في المقطع "جيهان" إلى جانب والدتها شام، التي كانت تغني لها بمناسبة عيد ميلادها، وعلقت أصالة قائلة: "بعتذر من شامي لأني حبيت عايد بڤيديو خاص بعتتلي ياه اليوم وكتير حبيت شاركه معكم قد ما فيه بساطة وطيابة وطفولة ودفا وأمان".

وأضافت:" بنتي الصغيرة الهدية من الله كبيرة ( جيهان أحمد هلال) جيجي الّلي بنتجمع كلنا ع الأرض لمّا تكون عم تحبي أو عم بتحاول تحكي وشكلا بتعرف تغني وبتروق على الموسيقى وبتسلطن".

وزادت الفنانة السورية: "صار اليوم عمر جيجي سنة، كل سنة وحبيبتي وكلّ أطفال العالم بخير وبسلام، وبأوطان حلوة وبتحن عليهم ويا رب! جيجي وكلّ أطفال العالم يعمّروا بالفرح بيوت وما يشوفوا شي للأسف نحنا شفناه ويشهدوا العدل ويعيشوا بأمان".

واختتمت القول: "بعيد بنتي الصغيرة جيجي برجع وبقول الله يحفظ النِعَمّ واللي منهم أنتي يا روحي صار اليوم سنة.. بوعدك رح أصغر لك ورح أقوى لك وبعرسك أنا رح زفّك وأنا رح ربّي لك ولادك أنتي النّعمه اللي بترجّى ربّي يحفظها ويحفظ كلّ أطفال العالم

قولوا آمين".