تزامناً مع استعدادات طلبة الثانوية العامة للاختبارات في مصر و بعض الدول العربية شارك الفنان أحمد حلمي عبر حسابه الرسمي على منصة التواصل الاجتماعي “انستغرام” فيديو يروي به تجربته مع الاختبارات الثانوية.

و بدأ حلمي الفيديو بطريقة فكاهية كعادته فقال:”الفيديو ده مخصوص لطلاب وطالبات الثانوية العامة، بما إن الامتحان بكره، وبما إننا بنتكلم عن الثانوية العامة فأعتقدت إن مفيش أفضل مني يتكلم عن الثانوية العامة غيري لأني خبرة؛ لأني سقطت فيها 3 سنين”.

وأضاف:”أنا عايزة أقولكم أني كنت بسقطت في الثانوية العامة لأني حقيقي كُنت ببقى خايف من الامتحانات، السنة الوحيدة إللي مخوفتش منها من الامتحان سقطت برده، بس سقطت لأني اكتشفت أني كنت عامل نفسي مش خايف لكن كنت خايف”.

و في تعليق الفنان أحمد حلمي على السنة التي نجح فيها قال :”حقيقي إن السنة إللي مسقطتش فيها هي السنة اللي مكنتش خايف من الامتحان بجد. وكنت بتعامل معاها على أن الامتحان عبارة عن فسفوسة، أيه امتحان الثانوية العامة؟ هيعمل فيا أيه امتحان الثانوية العامة ده؟ هيموتني؟ ما أنا حلو وجميل أهو وبصحتي وزي الفل، هيحدد مستقبلي؟ ما يحدده، أنا هذاكر وأعمل إللي عليا”.

و تابع حديثه :”هنام كويس وأكل كويس وهروح الامتحان صافي وتمام ومش هخاف ومضيعش وقتي في الخوف". وقال للطلاب: "مضيعش ومضيعيش وقتك في أنك خايف أو خايفة والرعب، امتحان الثانوية العامة فسفوسة متخدش بالك منها”.

وفي ختام حديثه عن الاختبارات أعطى الطلبة عدد من النصائح منها:”هتحلوا الامتحان لما تركزوا في إنكم مش خايفين، وتركزوا إن في دماغكم معلومات، ركزوا ومضيعش وقتك في الخوف والرعب، وهتحلوا الامتحان وهتجيبوا المجموع وهتدخلوا الكليات إللي نفسكوا فيها”.

وفي تعليقه على المنشور تمنى التوفيق لجميع الطلبة و أوصاهم باتباع إجراءات الأمن و السلامة فقال:” حبايبي طلاب الثانويه العامة بنين وبنات.. ربنا معاكوا ويوفقكوا وينجحكوا.. وخدوا بالكوا طبعا ومحدش يقلع الكمامة وبلاش تجمعات.. مش عايزين ننجح في الثانوية العامة ونسقط في الكورونا” و في رسالة خاصة لابنة شقيقته:”سهيلة بنت أختي.. شدي حيلك وربنا يوفقك يارب”.