• مروة عبد المنعم:" أنا مريت بأزمة نفسية كانت صعبة عليا جدا"
• مروة عبد المنعم:"اتفضلوا حضراتكم الصوره تتحدث عن نفسها"

"وأخيراً إفراج نهائي من الباروكة"، هذا ما كتبته الفنانة المصرية مروة عبد المنعم عبر منشور لها على موقع التواصل الاجتماعي "فيسبوك"، بعد معاناة نفسية كانت قد مرت بها.

وقالت الفنانة المصرية مروة في منشورها: "وأخيراً إفراج نهائي من الباروكة.. بعد دوامة نفسية سيئة جدا دخلت فيها.. وصلتني لـ70 كيلو وسقوط شعري بالشكل ده.. اتضطريت ألبس فيها الباروكة.. وواحدة واحدة بدأت أفوق

بفضل ربنا وأرجع لوزني وشكلي.. لكن فضل شعري في الأزمة.. وطبعًا هو ماتعالجش بنسبة 100 في المية.. بس أخدت الأمر بالإفراج عنه وتكملة العلاج عادي..".

اقرأ أيضاً : يسرا اللوزي تفجر مفاجأة تصدم متابعيها

وتابعت مروة: "أنا كان فيه ناس كتير بتقعد تقولي إنتي لابسه باروكه ليه.. شكلك مش حلو فيها.. بس ماكنتش عايزه أقول وقتها ولا عايزه أتكلم.. بس كان الكلام بيوجعني قوي ويزعلني علي نفسي جداً.

الخلاصة يا جماعة.. محدش ينقد حد على شكله.. محدش عارف جوه الكواليس فيه إيه.. بلاش نقد وتعليقات".

أزمة نفسية

وأضافت: "دلوقتي أنا أقدر أقول وأتكلم ولا أخجل.. أنا مريت بأزمة نفسية كانت صعبة عليا جدا.. عمري ما كنت أتخيل إن الوجع النفسي ممكن يدمر بالشكل ده.. لحد ماعشته وجربته، بس اللي كان بيوجع أكتر هو تدخل الناس

في شكلي ولبسي للباروكة.. أنا عايزة أقولكم أنا أكتر إنسانة في الدنيا لا ليا في ميكب ولا باروكة ولا اي حاجة صناعي.. وكون فكرة إني أربط حياتي بباروكه كنت بتخنق وبموت منها.. فمكنش ناقص تعليقات كمان..

دلوقتي أقدر أقول لكل الناس اللي قالتلي إنتي لابسة باروكة ليه.. اتفضلوا حضراتكم الصوره تتحدث عن نفسها"..

وكشفت مرة عن إصابة رأسها بمرض الثعلبة، حيث كشفت عن رأسها وقد ظهرت فيها منطقة فارغة من الشعر.

الجدير بالذكر أن مروة عبد المنعم شاركت في السباق الرمضاني لعام 2024، من خلال مسلسل "بقينا اتنين"، الذي ضم العديد من الفنانين، أبرزهم شريف منير، رانيا يوسف، نانسي هلال، ميمي جمال، الراحل طارق عبد العزيز،

وآخرون، والعمل من تأليف أماني التونسي.